Vi opnar i løpet av februar eit treningssenter i det gamle bankbygget i Eivindvikvegen 1092.
Les mer
Ei god hamn som stoppestad for fritidsbåtar somarstid.
Matservering i sommarsesongen. Sjå meny her.
Pizzaservering i juni, juli og august.
Kunstutstilling i underetasjen v/Ingelin Olsen i juni og juli.
Eivindvik challenge laurdag 15.juni kl. 10:00 - 15:00. Arrangert av Eivindvik idrettslag med startskudd på grusplass foran hotellet.
Trubadur Bjørn Engelbrektson og pub laurdag 15.juni frå kl. 21:00.
Fyrsafari til Utvær kvar fradag frå 28.juni. Sjå meir informasjon her.
1000 års jubileum på Gulatinget 23.-25.august, sjå her for meir informasjon.
Eivindvik brygge kan hjelpe til med organisering av forskjellege aktivitetar som å få guida tur til Gulatinget, transport, fiske- , fotturer og meir. Frå Eivindvik brygge og gjestehamna er det gåavstand til Steinkrossane i Eivindvik, Borgarstova, Herresalen og den historiske kyrkja frå 1860-talet. Dette inngår i kulturvandringa. Me har også:
Dagsturhytta Gulakvila
Ein tursti på grusveg som går frå bak kyrkja og kommunehuset, langs prestegårdsmuren og heilt ut til hurtigbåtkaia i Sollitbotn.
Merka turstiar til fjells i ulik vanskligheitsgrad. Sjå nokre turforslag på ut.no.
Gode fiskeplassar
Små sandstrender og badeviker
Treningssenter med moglegheit for å kjøpe dagspass, tre-dagarspass eller vekespass for tilreisande
Moglegheit for småbåtleige
Nykkelstad langs kystpilgrimsleia
UTKANT, musikkfestival på Skjerjehamn siste helga i juli kvart år. Transport med båt t/r Eivindvik.
Båttur - Har du ikkje båt vil lokal rutebåt ta deg til øyane i vest, og ekspressbåt til/frå Bergen tilbyr komfortable dagsturar til Bergen eller innover Sognefjorden og langs kysten. Nokre somrar har det vore skyss til Utvær frå hamna.
Sjå også kommunen si aktivitetskalender for stort og smått som skjer her i bygda.
I restauranten på hotellet (og gjerne utandørs også når veret tillet det) vil vi ha pub, visning av fotball eller anna. Sommaren 2023 hadde me matservering i restauranten, sjå “Restaurant” for opningstider. Ta kontakt om du vil gjere noko i samarbeid med oss. Dersom du ikkje er så interessert i fotball, så har me både biljardbord og elektronisk dart i underetasjen.
Gulatinget danna utgangspunkt for at Noreg vart ein demokratisk rettsstat med eit styresett basert på representative samlingar. På Tusenårsstaden Gulatinget finn du ein vakker park som innbyr både til ettertanke, til læring og til aktivitet - tett på kunst, kultur og natur. Her vandrar du på staden Egilsagaen fortel at Gulatinget vart flytta til.
Tusenårsstaden er open for publikum heile året, og tilbyr guida omvisning og lunsj for grupper etter avtale. Omvisningane på Tusenårsstaden Gulatinget gjev ei innføring i historia knytt til Gulatinget, Gulatingslova og Leidangen, samt kunstverka til kunstnaren Bård Breivik. Gulatinget er ein møteplass for store og små og ein arena for leik, utfalding og kulturelle opplevingar. Les meir her.
Egersund - Stavanger - Bergen - Ålesund - TrondheimEivindvik med Gulatinget er ein nykkelstad langs kystpilegrimsleia, ei vandring langs vakker, norsk kyst med skjær, holmar, fjell og rik historie. Nykkelstadene har blitt valt ut fordi dei har ein særegen historisk, tradisjonell og kulturell verdi. Eivindvik tilbød ein lun hamn langs ruta til Trondheim og med Gulatinget var det plassen for eit av dei eldste regionale tinga frå vikingtida. I dag står Tusenårsstaden til minne om tinget som gav oss Gulatingsloven, den eldste bevarte lovsamlinga i Norden.
I dag tilbyr Eivindvik brygge overnatting heile året og pilegrimar får 10 % rabatt på besøket. Spør om alt frå transport, båtruter og guiding - me er godt kjend og hjelper deg gjerne i planlegginga. Les meir her eller på pilegrimsleden.no.
Vi opnar i løpet av februar eit treningssenter i det gamle bankbygget i Eivindvikvegen 1092.
Les mer