Overnatting i Eivindvik

Me har 14 doble soverom for utleige året rundt. I høgsesongen frå juni til august har me 22 dobbeltrom. Her kan ein sove seg til nye krefter i eit fredeleg miljø.

Dersom det ikke er tilgjengelege rom på nettstaden, send oss gjerne ein mail på booking@eivindvikbrygge.no, så kan det hende vi klarer å ordne rom til deg likevel.

Romma er utstyrt med komfortable senger, bad, skrivepult, vasskokar, lita sittegruppe og klesskap. Det er dessverre ikkje tv-kanalar på romma, men vi har gratis wifi for gjestar. Du får som gjest tilgang til eit kjøkken i same bygg med steikeovn, platetopp, kaffitraktar, oppvaskmaskin og enkelt kjøkkenutstyr.

Er du pilegrim får du 10 % rabatt på oppholdet. Ved booking på fem netter eller meir, og ved booking av fem eller fleire rom tilbyr vi 10% rabatt. Ved booking på 10 netter eller meir, og ved booking av ti eller fleire rom tilbyr vi 15% rabatt. Ta kontakt på booking@eivindvikbrygge.no for å løyse inn rabatter.

Pris for overnatting er:

Enkeltrom: 1 325 kr.

Dobbeltrom: 1 635 kr.

For eit tillegg på 100 kroner vert frukost levert som ein frukostpakke på døra i sommarsesongen. Frå og med august er dette dessverre ikkje tilgjengeleg.

Innsjekk er etter kl. 15.00 og utsjekk før kl. 11.00. Ta kontakt for tidleg innsjekk/sein utsjekk. For avbestilling seinare enn 24 timar før innsjekk må rommet betalast.

Desse romma kan sjølvsagt nyttast av alle reisande, om du kjem til fots, med bil eller dersom du kjem med hurtigbåten frå Bergen eller frå Sogn/Nordfjord.

Dersom du treng transport t/r hurtigbåten, ta kontakt med oss på booking@eivindvikbrygge.no*. Vi vil anbefale deg kollektivtransport dersom det korresponderar med din avgang, eller vi kan booke transport for deg med Gulen Taxi. Dei køyrer deg mellom Eivindvik og Sollibotn for 300 kroner, eller mellom Gulatinget og Sollibotn for 500 kr.

*E-post og bookingar vert sjekka ein gong i døgnet frå og med august. Book derfor gjerne et par dagar i forveien, slik at du er sikker på at vi får det med oss. Telefonen vår er ute av drift utanfor høgsesong. Send oss ein e-post med kva det gjeld og telefonnummer, så kan vi ringe deg opp.