Pilegrimsopphald 19. og 20. juni

‍Gulen kyrkje, i samarbeid med Eivindvik Brygge AS, ønskjer velkomen til ei pilegrimshelg i vakre Eivindvik. Helga legg til rette for ro, ettertanke og fellesskap, der tru og liv kan få rom midt i storslått kystnatur. Det vil vere høve til å ta del i lokale kultur- og kyrkjehistoriske opplevingar, som pilegrimsvandring og det historiske Gulatinget samt lokal kaidag. Det er også mogleg å reise vidare til Kinnaspelet på øya Kinn i Stad kommune.

Arrangør: Gulen kyrkje

Pilegrimsvandring 19. juni: leia av kystpilegrimsprest Einar Vegge

• Kl. 19.30: Pilegrimsmesse i Gulen kyrkje

• Kl. 20.30: Foredrag, lett kveldsmat og samtale

• Tid til stilla, fellesskap og åndeleg fordjuping

 Om leiar for samlinga: Einar Vegge

Foto av Einar Vegg

Einar Vegge er prest i Den norske kyrkja og har lang røynsle frå kyrkjeleg teneste, mellom anna som sokneprest, studentprest og pilegrimsprest i Nidaros. Han har utdanning i teologi og idéhistorie, og har særleg arbeidd med samanhengen mellom tru, livstolking og menneskeleg erfaring.

Som kystpilegrimsprest har Vegge ansvar for å utvikle og formidle pilegrimslivet langs Kystpilegrimsleia. I arbeidet sitt legg han vekt på pilegrimsvandringa som ei levande åndeleg praksis – der mennesket får vandre med Gud, i møte med naturen, historia og seg sjølv.

Laurdag 20. juni – vidare vandring og frie val

Laurdagen kan nyttast etter eige ønskje, anten til kvile, vidare vandring eller deltaking på andre arrangement:

‍ ‍

• Vere i Eivindvik og delta på Ytre Sogn Kystlag sin Kaidag

• Besøkje det historiske Gulatinget, ein viktig del av norsk kyrkje- og rettshistorie

• Reise vidare til Kinn og oppleve det tradisjonsrike Kinnaspelet, med sterke røter i kystkultur og kristen symbolikk

Overnatting og praktisk informasjon

Overnatting kan bestillast hos Eivindvik Brygge, som tilbyr enkle og trivelege rom med frukost. Vi tilbyr 10 % til deltakarane.

Telefon: 919 09 804

E-post:post@eivindvikbrygge.no

Det er eit avgrensa tal rom. Vi har reservert rom for arrangementet frem til 20. mai 2026. finn meir om Eivindvik Brygge på vår heimeside www.eivindvikbrygge.no

Transport

‍ ‍Fredag:

• Båt frå Bergen Strandkaiterminal kl. 16.30

• Ankomst Sollibotn kl. 18.10

‍ ‍

Vi legger til rette for henting og hjelp med bagasje ved behov.

Kjem du med eigen bil er køyretid frå Bergen om lag 2 timer og 15 min med ferje Leirvik-Sløvåg

‍ ‍Laurdag – retur:

• Båt frå Sollibotn kl. 19.05

‍ ‍For dei som reiser vidare til Kinn:

• Båt frå Sollibotn kl. 09.05 laurdag(minimum 10 reisande)

• Retur frå Kinn til Bergen ca. kl. 17.00

‍ ‍

‍ ‍

‍ ‍